Vezin: . - - - / . - - - / . - - - / . - - -
 
1 Çemende göreli ķaddüñi serv-i būstān ditrer
 Temāşā ideli dídāruñı āb-ı revān ditrer
2 Neyiki nālem ol şāhuñ ķulaġına irişmez mi
 Benüm ĥod ra˘d-ı āhumdan zemín ü āsumān ditrer
3 Leb-i cānāna öykündüñ diyü çekdükde meydāna
İçerler ķanumı diyü şarāb-ı erġuvān ditrer
 
4 Çemende bād serve ķadd-i yāra öykünür diyü
Şu deñlü sille urdı anı gördükde hemān ditrer
5 Leb-i sāķíyi meclisde öper sāġar diyü Bāķì
 Yürek bir yaña ditrer bir yaña derd ile cān ditre
 
M. FATİH KÖKSAL, Bâkî’nin Bilinmeyen Veda Gazeli ve Dîvânında Bulunmayan Bazı Şiirleri, Divan Edebiyatı Araştırmaları Dergisi 10, İstanbul 2013, 319-330.,