Cennet altında yâ üstünde dimişler Şâm’ın

 

159

 (Feilâtün Feilâtün Feilâtün Feilün)

 

 1 Gerden ü ruhda görenler hatt-ı anber-fâmın

 Cennet altında yâ üstünde dimişler Şâm’ın

 2 Çâk çâkî-i mahabbetle olur şöhret-i ışk

 Şerha-ı sîne ile almada hâtem nâmın

 3 Neş’e-i nevbet-i kâmı göremezdi kimse

 Dönmese sâgarı ger encümen-i eyyâmın

 4 Etdi germiyyet-i vuslat o perî tenhâda

 Yâr ile halvet imiş lâzımesi hammâmın

 5 Bezme gel etme hazer mîve-i vaslın görelim

 Nahl-ı nâzım alırız korkma senin de hâmın

 6 Hânedân-ı Cem’e düş gamdan amân istersen

 Sâyesinde sıgınırsın gam u hemden câmın

 7 Yâr ile olmaz idi tevbeye şâyeste günâh

 Girmese beynimize câmı mey-i gül-fâmın

 8 Âlem-i âba yanaş âteş-i hemmin sönsün

 Hânumânına su kor âb-ı tarab âlâmın

 9 Gönlü rabt etmede der-i dergeh-i istigfâra

 Lutfun inkâr edemem Haşmet o sîm-endâm

 

 

Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ