Çü serv âzâdegânda fikr-i çâk-i dâmen olmazmış
15.09.2017
296
Mefâ‘îlün Mefâ‘îlün Mefâ‘îlün Mefâ‘îlün
1 Çü serv âzâdegânda fikr-i çâk-i dâmen olmazmış
Rehâ-cûy-ı hazânda gonca-veş pîrâhen olmazmış
2 Nigehbânı olur cûd ehlinüŋ encümden efzûn-ter
Ki hırmengehde mahsûl olmasa pervîzen olmazmış
3 Kerem-cû tâ sefîd olmaya çeşmi bulmaz istignâ
Çerâg-ı subhgeh muhtâc-ı lutf-ı revgan olmazmış
4 Çeh-i nâ-ka‘r-yâb-ı ârzûya düşmeyen bilmez
Ki her çâha düşen bi-dilde baht-ı bilen olmazmış
5 Vusûl-i menzil-i cânâna baht-ı tîre mâni‘dür
Garîb ahşama kalsa aŋa SÂKIB mesken olmazmış
Dr. Mehmet KIRBIYIK, KÂTİB-ZÂDE SÂKIB DÎVÂNI, https://ekitap.kulturturizm.gov.tr/Eklenti/10622,katibzade-sakibpdf.pdf?0
Yorum Yapmak için Kayıt Olun veya Giriş Yapın