Cûlar gibi sirişküm akarken şırıl şırıl

 

mef’ûlü fâ’ilâtü mefâ’îlü fâ’ilün

 

1 Cûlar gibi sirişküm akarken şırıl şırıl

 Ol hâb-ı nâzda uyurimiş mışıl mışıl

2 Nâyuñ nevâ-yı sûz-ı dili yakdı ‘âlemi

 Bilmem ne didi gûşına ney-zen fısıl fısıl

3 Gelmez ferâg girye-i bî-ihtiyârdan

 Mânend-i dâg dîdeler olsa kızıl kızıl

4 Yalñız lisân-ı dil hareket itmeyüp aña

İgzâbdan kımıldasa şâyân kımıl kımıl

5 Ey tıfl-ı nâzenîn yanup ‘aşkuñla aglayam

 Germ-âbe-i dilümde sen oyna çıpıl çıpıl

6 Ser-geşte eylediyse ne gam çerh bizleri

 Ol da döner hayâl-i fener veş fırıl fırıl

7 Pertev de geh-be-geh hele tasdî’ idüp ‘abes

 Ol nâzenîne derdini söyler dırıl dırıl

 

Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0