Cümle ‘âlem meyl ider ol kadd-i Tubâ’dan yaña

 

Fâ‘ilâtün/ Fâ‘ilâtün/ Fâ‘ilâtün/ Fâ‘ilün

 

Cümle ‘âlem meyl ider ol kadd-i Tubâ’dan yaña

Zâhidüñ ‘azmi velî cennetde hûrâdan yaña

Fürkatinde ‘âlemi bârân-ı eşküm kıldı pür

Ol perî seyr itmege gelmez mi deryâdan yaña

Bilmedin eblehligüñ cümle Sitanbul ehli hep

Sûfi gel rindân ile ‘azm it Kalata’dan yaña

Alayın dirseñ eger tesnîm ü kevserden nasîb

Zâhidâ sevk it bizi câm-ı musaffâdan yaña

Kûy-ı yâre beñzemezse Ravziyâ her vech ile

Gözüm açup bakmayam Firdevs-i a‘lâdan yana

 

Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009