Çün dilâ hat gelicek olımaz hüsne sebât

 

8

Fe‘ilâtün Fe‘ilâtün Fe‘ilâtün Fe‘ilün

 

1 Çün dilâ hat gelicek olımaz hüsne sebât

Meh-likâlar kara göñüllü niçündür çü devât

2 Leb-i şîrînüñe öykündigiçün lezzetden

İşi bitdi şu kadar çûb yedi biline nebât

3 Vasf-ı hâlüm hatt-ı sevdâsı ile yaz deyicek

Başum üzre didi barmak kodı ‘aynına devât .

4 Senden ancak garazum bûse durur vasl degül

Başdan aşsa kişiyi garka virür âb-ı hayât

5 ‘Âlemüñ revnakısın ölme be Sun‘i ölme

Ki bu gün virdi sözüñ rûh-ı Mesîhâya hayât

6 Rûh-bahş olalı eş‘ârı suhan nat‘ında

İtdi ferzâne iken ey ruhı meh şâhını mât

 

Gelibolulu Sun’î (1486- 1534) Hayatı..

 

YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep