87
Fe‘ilâtün Fe‘ilâtün Fe‘ilâtün Fe‘ilün
 
1 Hâli zülfüñde perişân bu dil-i mahzûnuñ
Leyli biñ dürlü belâ ile geçer Mecnûnuñ
2 Çünki baş koşdı bu dil ol saçı şebdîze yine
Terk ide mi hîç ayagını mey-i gülgûnuñ
3 Yandum ol pençe-i hurşîdüñ elinden yandum
Ki basar dîdesine yalın ayak her dûnuñ
4 ‘Alef-i sevr havâdis ider ehl-i hüneri
‘Acele itdügi devrinde budur gerdûnuñ
5 Sun‘î hoş vâdiye iletdi cünûnuñ fennin
Levh-i ‘âlemde hemân bir adı var Mecnûnuñ
 
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep