Çünki nâdâna imiş şimdi medâr-ı devlet

 

 

24

[M 69, İÜ 40a, İÜ2 43b, S 48a]

 

Feilâtün feilâtün feilâtün feilün

 

1 Çünki nâdâna imiş şimdi medâr-ı devlet

Bu kemâlâta neden sa'y-ı belîğ ü himmet

2 Anladım kıssa-i meşhûr-ı Sînimmârîden

Hüner evvelde dahi âdeme olmuş töhmet

3 Hayf ol ömre ki kesb-i hüner ardınca geçip

 Olmaya âkıbeti mûcib-i izz ü rif'at

4 Câme-i fahrı alır sad zer-i meskûke velî

Pula almaz hüneri câhil-i ehl-i servet

5 Zîver-i silk-i nazar olmayıcak Meşhûrî

Neyleyem olsa sözün hem-çü güher zî-kıymet

 

Yaşar AYDEMİR-Halil ÇELTİK, MEŞHURÎ DİVANI (Tenkitli Metin), T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3196 KÜLTÜR ESERLERİ, Ankara 2009