Dâg dâg sîne tutdı merhem-i vasluñla bâg
14.04.2016
Fâ‘ilâtün Fâ‘ilâtün Fâ‘ilâtün Fâ‘ilün
1. Dâg dâg sîne tutdı merhem-i vasluñla bâg
Gam degül şimden girü cânâ baña dâg üstü bâg
2. Cüst-cû eyler felek tâ igneden iplige dek
İster iseñ Hazret-i ‘Îsî misâli göge âg
3. Eyle teblîg şevk ile tokınma sakın zülfüne
Mâ ‘ale’l-meb‘ûs min-savbi’l-hevâ ille’l-belâg
4.Giryeden sanma agardı dîde-i giryânumuz
Sen Hümâ-yı sayd içün kurduk bir iki yerde âg
5. Vahdetüñ fehm eyleyen kesretden olmaz zevk-yâb
Şemme-i hâlüñ tuyanlar zülfüñe itmez dimâg
6. Töhmet-i düzd-i nigâhı sevdigüm ma‘zûr tut
Bu mesel meşhûrdur hergiz göze olmaz yasag
7. Bir solak mahbûbı sevdüm şimdi ben sagdan saga
‘Âkıbet öldüm dirildüm eyledüm işümi sag
8. İntihâb içün konulmış noktadur levh-i dile
Nükte nâ-fehmân anı Kânî sanurlar gerçi dâg
Dr. İlyas YAZAR , K Â N Î D Î V Â N I, Ankara 2012
0
0
Yorum Yapmak için Kayıt Olun veya Giriş Yapın