Gazel
Dehânun hasretiyle olmış idi dilde gam peydâ
Vücûda gelmedin ten olmadın nâm-ı adem peydâ
Şarâb-ı ‘ışk ile mestem yolunda ger gubâr olsam
Serümden hâk olup hâkümden ola niçe Cem peydâ
Sunarsa âb-ı hayvânı güneş zerrîn piyâleyle
Gönülde gussa vü dilde belâ çeşmümde nem peydâ
Bekâ mülkine azm it kim fenâ deştinde çok şâhun
Ne nâmından haber zâhir ne hayl ü haşem peydâ
Bu tarz-ı hâsı Rahmiyâ ancak diye Hüsrev
Diyâr-ı Rûm içinde oldı bu tarz-ı Acem peydâ