7
Der-Vasf-ı Tarîk-i Gülşenî
fâ‘ilâtün fâ‘ilâtün fâ‘ilâtün fâ‘ilün
1 Ey olan ser-mest-i bezm-i âsitân-ı Gülşenî
‘Ayn-ı ‘irfân-ı şerî‘atdur nişân-ı Gülşenî
2 Rûşenî yandurdı câm-ı feyzi çün kim destine
Zâhir oldı ‘âleme râz-ı nihân-ı Gülşenî
3 Kâmrân-ı feyz olur her kim iderse intisâb
Açılur elbette genc-i şâygân-ı Gülşenî
4 Hâr u hâşâke ta‘allukdan dili pâk eyleyüp
Oldı gül-çîn-i ma‘ârif bâğbân-ı Gülşenî
5 Olmadı kayd-âşinâ-yı pây-bend-i ser-keşi
Halka der-gûş-ı rızâdur bendegân-ı Gülşenî
6 Ur zebân-ı güft-gûy-ı vahdete mühr-i sükût
Ma‘nevî’den al sebak budur lisân-ı Gülşenî
7 Cebhe-sây-ı âsitân-ı feyz-bahşıdur ‘Azîz
Mısr’a sultân oldılar hep çâkerân-ı Gülşenî
8 Ol velînüñ müstemidd-i feyz-i rûh-ı pâkidür
Kâmi-i ahkar gedâ-yı hânedân-ı Gülşenî
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0