Dergâh-ı Mevlevî ki aceb aşk-hânedir
02.07.2016
Dergâh-ı Mevlevî ki aceb aşk-hânedir
Nây u kûdum-ı velvele-sâz-ı şehânedir
2. Besler büzurg ü kûçegin etfâl-i naImesin
Gûyâ ki çeng-i pîr gürûh-ı terânedir
3. Bak tîr-i gamzenin bile şimdi safayıla
Âmed şud-i tereddüdü sîne kemânedir
4. Düşmüş mehabbete güler oynar esîr iken
Etfâl-i eşk mâil-i çeng ü çegânedir
5. Mevc-i safâ-yı nağmeyi bir bir açar çözer
San mûsikâr şâne-i zülf-i terânedir
6. Açmış cemî-i perdeyi mutlak yegâhdan
Tanbûra sor ki vahdet-i merd-i yegânedir
7. Pâ-mânçe-i niyâza turur bir ayaI ile
El-hak rebâb-ı rind nümâyân nişânedir
8. Deryûze-i zer etdigiçin şâh-ı aşkdan
Der defter-i safâda resîde nişânedir
9. Santûr nakd-ınâleyi bir bir eder edâ
Gencîne hezâr kilîd-i terânedir
10. Neydir var ise çûb-ı şelâyin murgzâr
Zîrâ ki dâI-ı sîneleri dâne dânedir
11. Ferş-i zemîn lutfüna dûş Gâlib ol şehin
Kânûn-ı cûd ehl-i kerem bî-bahânedir
12. Verdi haber celâcil-i def bahş-ı Pîrden
Gûş eylemem atiyye-i hâtem fesânedir
https://ekitap.kulturturizm.gov.tr/Eklenti/10654,metinpdf.pdf?0
Yorum Yapmak için Kayıt Olun veya Giriş Yapın