69-

Mefâ`îlün Mefâ`îlün Mefâ`îlün Mefâ`îlün

 

1 Derûnumda benüm sanmañ ki derd-i `aşk dâgıdur

 Melâmet tekyesidür hâne-i kalb ol çerâgıdur

2 Göñülden eksük olmaz fikr-i zülf ü çeşm ü müjgânuñ

 Bu vîrân olası beñzer harâmîler yatagıdur

3 Beden mihnet hisârı cân ise diz-dârıdur anuñ

 Dikilmiş cismüm üzre yâreler birkaç yamagıdur

4 Göñül geçdi güzeşte dil-rübâlardan bugün ammâ

 Hele ben bildügüm ol serv-kaddüñ râst çâgıdur

5 Ziyâ’î târik-i târîk câh-ı çâhîdür şimdi

 Yirin anuñ sorarsañ kasr-ı istignâ turagıdur

 

 

Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ