Devr-i siteminde dil-i bî-çâk bulınmaz
15.09.2017
277
Mef‘ûlü Mefâîlü Mefâ‘îlü Fe‘ûlün
1 Devr-i siteminde dil-i bî-çâk bulınmaz
Hengâm-ı gamında ser-i bî-hâk bulınmaz
2 Ref‘ eylemege zahm-ı siyeh-mâr-ı gumûmı
Sâgar gibi bir hokka-i tiryâk bulınmaz
3 Hengâm-ı şikâr ol şeh-i şîr-efken-i nâza
Hayf ol sere kim beste-i fitrâk bulınmaz
4 Lutfın görüp inkâr ider sâkî-i bezmüŋ
Ol rind ki hem-vâre tarabnâk bulınmaz
5 Rindân-ı harâbat ile hem-sohbet olur mı
SÂKIB dil-i sâgar-veş o kim pâk bulınmaz
Dr. Mehmet KIRBIYIK, KÂTİB-ZÂDE SÂKIB DÎVÂNI, https://ekitap.kulturturizm.gov.tr/Eklenti/10622,katibzade-sakibpdf.pdf?0
0
0
Yorum Yapmak için Kayıt Olun veya Giriş Yapın