1.Dil baglamayan zülfüñe âzâde degüldür
Yoluñda helâk olmayan üftâde degüldür
2.Dil teşne-i gam görmeye toymazsa degül gam
Hakkâ ki lebüñ gördügümüz bâde degüldür
3.İzhâr-ı zekâ eyledi vuslat hevesinde
Dîvâne göñül şimdi o sevdâda degüldür
4.Âsâyiş-i dil râhat-ı cân didügüñ ey dil
Fi’l-cümle eger vâr ise dünyâda degüldür
5.Bakmaz zürefâ sâde söze gerçi ‘Atâyî
Ammâ görinen sen didügüñ sâde degüldür