Fe‘ilâtün Fe‘ilâtün Fe‘ilâtün Fe‘ilün
1 Dil giriftâr olıcak zülf-i siyehfâm ne kayd
Murg-i bî-bâl u perüm keşmekeş-i dâm ne kayd
2 Sen ü ‘ıyş u tarab u bezm-i harîfân ey şûh 2a
Ben ki âşüfte dimâgum heves-i kâm ne kayd
3 Mürşid-i ehl-i harâbât yeter pîr-i mugân
Hıdmet-i Berhemen ü secde-i esnâm ne kayd
4 Dil ki câm-ı Cem idi oldı şikeste sâkî
Bana şimdengirü fikr-i mey-i gülfâm ne kayd
5 Tutalum halk ile Âgâh müdârâ mümkün
Yâ cefâ-yı felek ü mihnet-i eyyâm ne kayd
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,