Dil-i vîrân gibi ‘âlemde âbâd olmaduk gitdük

 

 

356

 Mefâ‘îlün Mefâ‘îlün Mefâ‘îlün Mefâ‘îlün

 

1 Dil-i vîrân gibi ‘âlemde âbâd olmaduk gitdük

 Felekde hissemend-i kâm olup şâd olmaduk gitdük

 

2 Şikeste-hâtır olduk yârda ammâ ki a‘dâdan

 Rehâ-yâb-ı hücûm-ı seng-i bî-dâd olmaduk gitdük

 

3 Kesildük rişte-i ülfet gibi ol şûhdan ammâ

 Halâs-ı pîç ü tâb-ı ta‘n-ı hussâd olmaduk gitdük

 

4 Şikest itdük nice zencîri olduk gerçi dîvâne

 Velâkin bend-i dâm-ı gamdan âzâd olmaduk gitdük

 

5 Tazallüm-sencî-i bî-dâd ile SÂKIB figân itdük

 O şâhuŋ dergehinde mazhar-ı dâd olmaduk gitdük