29
Mefâ‘îlün mefâ‘îlün mefâ‘îlün mefâ‘îlün
1 Dil-i vîrâneyi sâkî mey-i nâb ile ma‘mûr it
Nigâh-ı cân-fezâ birle bizi her demde mesrûr it
2 Şeb-i zulmetde sultânım kerem kıl kalmasun ‘uşşâk
Şu‘â‘-ı meh-cemâliñle bu şeb bu bezmi pür-nûr it
3 Kadeh sun kim göñüllerden gam-ı devrân ırag olsun
Bu gün ‘âşıklarıñ cânâ cihânda mest ü mahmûr it
4 Şehâ gencîne-i lutfuñ dükenmez bî-nihâyetdür
Anı bî-çâreler üzre dem-â-dem bezl ü menşûr it
20b 5 Tahammül idemez üftâdeler bu cezbe-i hüsne
Nikâbıñ ey perî-peyker hat-ı nev-resle mestûr it
6 Kırup mahv itmeye dilden cünûd-ı ‘aklı sultânım
Emân virme bu iklîme o şîr-i ‘aşkı me’mûr it
7 Yazup evrâka keşf itme rumûz-ı ‘aşkı ey Sıdkî
Muhâbbet kıssasın ancak göñül levhinde mestûr it
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0