Dilde haylîden hayâl-i zülf-i dilber var imiş

Gazel

Dilde haylîden hayâl-i zülf-i dilber var imiş

Cânum içinde yatur bin balulu ejder var imiş

Eyâ dirîgâ hîçe satdum kıymetini bilmedüm

Âb u hâkümde benüm bir pâk gevher var imiş

Olmadan levh u kalem dahı hat-ı maşûk ile

Levh-i dilde yazılu dîvân u defter var imiş

Secdeler eylen gelün abdâllar kim bunda bir

Tekye-i hakda tırâş olmuş kalender var imiş

Yakdı gönlüm âteşi şöyle cihân mülkin dilâ

Neylesin dîvâne ki gönlinde ahker var imiş

Zâl-i dünyâya gönül virme Usûlî var iriş

Gülşenî dirler velâyet içre bir er var imiş[1]

 Usuli Vardar Yenicesi Hayatı ve Edebi Kişiliği

[1] Ramazan EKİNCİ, OSMANLI KÜLTÜR MERKEZLERİNDEN VARDAR YENİCESİ VE TEZKİRELERE GÖRE VARDAR YENİCESİ ŞAİRLERİ, Turkish Studies - Volume 7/4, Fall 2012, p. 1663-1679, ANKARA-TURKEY