Dile mahabbet-i gîsû-yı yâr olur peydâ
Garîbe hâhiş-i dâr u diyâr olur peydâ
 
Nedir bu germi-i bâzâr-ı nev-bahâr-ı arûs
Açılsa bir gül-i ter bin hezâr olur peydâ
 
Hat-âver olmaya mâdâm o hüsn-i pertev-sûz
Yanınca çok eyi gün dostu yâr olur peydâ
 
Güm etse şefkat-i hüsnü şükûh-ı nev-hatlar
Siyeh haberde belî iştihâr olur peydâ
 
Düşürme kendini gird-âb-ı inkılâba Nedîm
Zaman olur sana da bir kenâr olur peydâ
 
Prof. Dr Muhsin Macit, Nedim Divanı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ, KÜLTÜR ESERLERİ 511