Dilüm kanlar yutar kanlar döker göz kâna müstagrak
29.07.2017
Mefâ‘îlün Mefâ‘îlün Mefâ‘îlün Mefâ‘îlün
1. Dilüm kanlar yutar kanlar döker göz kâna müstagrak
Bu demlerde ‘aceb şol cân ser-sem kande ben kande
2. O verd-i âl ile âlûde ben âl-i ‘abâ hakkı
Gözümden kanlar akıtdum ya şebnem kande ben kande
3. Demüm dâgum gama hem-dem hem âb akıduram hem dem
Gamuñ yoklar beni dem dem dedem dem kande ben kande
4. Gözüm merdümleri âgıştedür hun ben şehîd-i ‘ışk
Baña âdem dinür mi gayrı âdem kande ben kande
5. Egerçi ‘âlem-i âb içreyüm yemm hûna müstagrak
Bu talkunluk var iken bende ‘âlem kande ben kande
Dr. İlyas YAZAR , K Â N Î D Î V Â N I, Ankara 2012
