Düşme fürû-fikende gerek fikr-i câhına
29.07.2017
Mef‘ûlü Fâ‘ilâtü Mefâ‘îlü Fâ‘ilün
1. Düşme fürû-fikende gerek fikr-i câhına
Beñzer nümâyiş-i şehi satranc şâhına
2. Olma metâ‘-ı zâhide magrûr zinhâr
Düşme fesâd-pîşelerüñ eser-i râhına
3. Yapma tekerrüme nazar itme asıl gerek
Virme vücûd varsa da nîrû-yı bâhına
4.4b Sen bâd-ı bîd der mi sanursın bu sözleri
Taglar erir sitem-zedenüñ bâd-ı âhına
5. Cângâhdur mu‘ârefe kâhinle olma hâ
Zinhâr beste-dil haber-i sıdkgâhına
6. Olma firîfte şeb-i ‘ıyş u neşâta da
Bak hâlet-i müsâfere-i subhgâhına
7. Döndükce dönmedür işi aldanma pek sakın
Çarhuñ dahı müsâ‘ade-i gâhgâhına
8. Olursa da çü mihr-kiyâ hâssası bedîd
Bakma şu geşt-i zâr-ı zemînüñ giyâhına
9. Dâs-ı meh-i nevi niçün âvîze eylemiş
Çarhuñ nedür nişân-ı revîş ‘ömrgâhına
10.10b Bakma hulâsa mihr ü mehe çarh u encüme
Ne şâhına firîftedür ol ne sipâhına
11. Üstündekilerüñ görinür hep nümûnesi
Der-zîr olanlaruñ baka hâl-i tebâhına
12. Gizlenmiş âftâbı verâ-yı tegallübe
Akmârınuñ ne renk virürsin cibâhına
13.13b Ser-tâbe-pây mûy be-mûruñ berk-i günâh
Ey tîr sînemüñ ne girersin günâhına
14. Her gice itdigin görebilseñdi Kâniyâ
Bakmak ‘abes şu sûfilerüñ her gün âhına
Dr. İlyas YAZAR , K Â N Î D Î V Â N I, Ankara 2012
