Ebrû vü müjen tîg-i cefâ tîr-i kazâdur

 

Mef`ûlü mefâ`îlü mefâ`îlü fa`ûlün

 

 1 Ebrû vü müjen tîg-i cefâ tîr-i kazâdur

 Ol kâkül-i pür-çîn ise emvâc-ı belâdur

 2 Aşûb u fitendür hat u hâlün senün ey mâh

 Ol gamze-i hûn-rîz ise bir hışm-ı Hudâdur

 3 Zülf-i siyehün dâm-ı giriftârî-i uşşâk

 Bîmâr gözün derd-i derûn-ı zu`afâdur

 4 Zehr akmada her bâr rakîbünse yüzünden

 Her bir sözi öldürmese de câna cefâdur

 5 Çün hükm-i kazâdur bu cefâlar bu belâlar

 Yahyâ'ya düşen cân ile teslîm ü rızâdur

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147