Gazel :
Egerçi köhne metâ‘ız revâcımız yokdur
Egerçi köhne metâ‘ız revâcımız yokdur
Revâca da o kadar ihtiyâcımız yokdur
Misâl-i âb ederiz nîk ü bedle âmîziş
Bu kârgehde mu‘ayyen mîzâcımız yokdur
Tahammül eylemeden gayrı vaz‘-ı nâ-dâna
Kitâb-ı fenn-i hıredde ‘ilâcımız yokdur
O câh kim ola hem-dûş-ı ihtimâl-i zevâl
Teveccüh etse bile ibtihâcımız yokdur
Bizim bu kasr-ı sebük-sakf içinde ey Nâbî
Girân-sühanlar ile imtizâcımız yokdur
Bilkan, Ali Fuat (1997). Nâbî Dîvânı. C. I-II . İstanbul : MEB. Yay