Elümde şîşe-i rengîn pür mey la `l-i nâb-âsâ

 

Mefâ`îlün mefâ`îlün mefâ`îlün mefâ`îlün

 

1 Elümde şîşe-i rengîn pür mey la `l-i nâb-âsâ

 Gözümde katre katre eşk-i ter dürr-i hoş-âb-âsâ

2 Mürîd-i ‘aşk isen incinme ser-gerdânlık el virse

 Sipihri döndürür cûy-ı irâdet âsiyâb-âsâ

3 Nihâl-i tâze iken böyle bir serv-i bülend oldı

 Dil-i meyyâl çokdan yüz sürer pâyine âb-âsâ

4 Nedîm-i pâk-meşreb bul hevâ-yı `aşk ile pür ol

 Vücûdun mahv olınca meyden ayrılma habâb-âsâ

5 Süreyyâ vü hilâle arz-ı câh itsem gerek Yahyâ

 Bu fikr ile yolında pây-mâl oldum türâb-âsâ

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147