Esîr-i rûy-ı dilim mâ’il-i ‛atâ degilim

mefâ‛ilün fe‛ilâtün mefâ‛ilün fe‛ilün

1 Esîr-i rûy-ı dilim mâ’il-i ‛atâ degilim

Nazîr-i âyineyim seng-i âsyâ degilim

2 Olursa pâdişeh-i ‛asr düşmem üstüne hîç

Ben elleriñ dedigi sâye-i hümâ degilim

3 Şeref-dih-i ser-i kadrim misâl-i gül yohsa

Ele ayaga düşer sanma ben hınâ degilim

4 Sen olma bâyi‛-i rengîn metâ‛-ı istignâ

Ki ben de bûse-zen-i dâmen-i recâ degilim

5 Hele hulâsa-i mâ-fi’z-zamîr odur ki Lebîb

Esîr-i rûy-ı dilim mâ’il-i ‛atâ degilim

Kurtoğlu, Orhan (2004). Lebîb Dîvânı (İnceleme-Tenkitli Metin- Sözlük). Doktora Tezi. Ankara: Hacettepe Üniversitesi. 567

Lebîb Hüseyin Abdulgafûr Kara Vaiz