Etiraf

13.03.2018

Elnur Rəsuloğlu (Əliyev)

Məndən soruşma ki, nə istəyirəm,

Mənə lazım deyil boş-boş suallar.

Odur ki indidən sənə deyirəm:

Mənim həyatımda bir başqası var.

Mənim həyatımda bir başqası var,

Mən onu sevirəm dəlilər kimi.

Səni özü ilə aparan qatar

Tez unutduracaq sənsizliyimi.

Tez unutduracaq sənsizliyimi

Sənlə keçirtdiyim sənsiz günlərim.

Sən yaxşı bilirsən dəliliyimi,

Bəs necə olacaq mənsiz günlərin?

Susursan... Cavabı yox bu sualın.

Mənim ürəyimdə özəldir yerin,

Bir vaxtlar dərdindən öldüyüm qadın!

Yorum yapmak için lütfenKayıt Olunya da

Gönlünüze kaleminize ellerinize sağlık

Güzellik emekte , hikmet ise akılda ve birikimde gizlidir. emeği yoğun paylaşım için tebrikler.