Ey cemāl·i ferruẖ·i ferẖunde-ẕāt
07.07.2016
Ey cemāl·i ferruẖ·i ferẖunde-ẕāt
Bir güzelsin ʿömr gibi bī-s̲ebāt
Pādişāhum boynı baġlu ḳuluñam
Dile öldür dile ṣaḳla dile ṣat
Şöhret āfetdür gözet şaṭrenci kim
Şehden ayruġa gelür mi şāh-māt
Būseñ ölünce baña dirlik yeter
ʿÖmre sürer dōstum Āb·ı Ḥayāt
Bir havāyī aḳ gögercindür uçar
Nāme dil-berden yaña büküb ḳanat
Şehleri māt itmek içün zülf·i dōst
Ruẖların açmaza ḳodı iki ḳat
Bir iş it kim añılasın dünyede
Ey Necātī fāʿilātün fāʿilāt
Ali Nihad Tarlan i, Necāti Beg Divanı, Istanbul: Milli Eğitim Basımevi, 1963);
2
0
Yorum Yapmak için Kayıt Olun veya Giriş Yapın
Selvinaz Duman
4 years ago
Esa
4 years ago