Ey hat-ı zûr ‘ârızı örter bürür misin

 
Gazel
 
Ey hat-ı zûr ‘ârızı örter bürür misin
Bir şem‘ümüz var anı dahı söndürür misin
 
Alduñ rakîbi yanuña kayd-ı hayât ile
Kurbânuñ oldıgum ya bizi öldürür misin
 
Bir dâne kalmayınca cihân içre ey felek
Bu âsiyâbı tâbe-haşir döndürür misin
 
Ruhsâr-ı yâre gör ne ‘aceb nakş işledi
Ol duht-i rez didükleri sahbâ görür misin
 
Ey serv-i bâğ gördüñ o nahl-i sanavberi
Pâ der-gil-i firâk yirüñde durur mısın
 
Kûyuñda girye eylemesün n’işlesün şehâ
Bî-çâre mübtelâñı meger güldürür misin
 
Ağzuñda tüy bitince te’essüfle dâ’ima
Mazmûn-ı hatt-ı la‘lini sorar yürür misin
 
Reftâr-ı yâr tavr-ı hakîkatde Kâmiyâ
Semt-i mecâza sen dahı bilmem yürür misün
 
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0