3
1. Ey hat ü hâlün kelâmu’llah hem ümmü’l-kitâb
Hasretünden dîde-i uşşâk olupdur gark-âb
Gamze-i çeşmün işâret kıldı ehl-i va‘deye
Mest-i ışkun ol cihetden kalmadı aynında hâb
Leyletü’l-esrâ vü ve’l-leyl indi zülfün şânına
Âyet-i ve’ş-şems-i vechünden göründi âfitâb
Ey menüm aynumda ruhsârun çü nûr-ı lem-yezel
Ve’y saçun her târesinden âlem üzre müşk-nâb
5. Âlemi kıldı münevver nûr-ı vechün tâ ebed
Levh-i mahfûzunda rûşen oldı hem yevmü’l-hesâb
Zâr u bîmâram eger teşrîf kılsan bir nazar
Hâk-i râh-ı makdemünde sepmişem gözden gül-âb
Ol hat u hâl u ruh u zülfün hesâbın kılmağa
Hâsib-i ışka müyesser oldı Hakdan ihtisâb
Sûretün âyîne-i ışk oldı ehl-i âleme
Levh-i mahfûzunda Furkân oldı hikmetden kitâb
Ey Hakîkî başunı koy ol cenâb-ı hazrete
Koymagil elden visâli dâmenin ez-hiç bâb
 
 
CİHÂNŞÂH HAKÎKÎ’
 
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368