80
Mef‘ûlü Fâ‘ilâtü Mefâ‘îlü Fâ‘ilün
 
1 Ey kara günlü dil didümse nigâra bak
Didüm mi saña su gibi dîdâr-ı yâra ak
2 Sen baş açuk mey içdigüñi gayrılar görüp
Od düşdi câmuñ içine yürür yalıñ ayak
3 Tâtâr-ı müjen niceleri gâret eyledi
Bu kârbân-serâ degül ey hânmân konak
4 Olduñ o mâha mekteb-i ‘ışk içre mübtelâ
Mecnûndan ey göñül ne içün almaduñ sebak
5 Dirler ki yazıcak bu garîb-i belâ-keşe
Ol dert-mend deftere derdini yazıcak
6 Yaşumı sildi şefkat idüp dâmen-i felek
Sanma ufukda görineni Sun‘iyâ şafak
 
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep