Mef`ûlü mefâ`îlü mefâ`îlü fa`ûlün
1 Ey kûy-ı harâbâtı gezen hâne-be-hâne
Ey der-be-der itmiş seni evzâ-ı zamâne
2 Müşkillerimüz halline mey-hâneye varduk
Hâcet komadı mug-beçeler pîr-i mugâne
3 Berg-i rez-i bâg üzre döküp cür`a-i câmı
Gül mevsimi hükmin virelüm fasl-ı hazâne
4 Pervâne niçün şem`-i şeb-ârâya tokundı
Yok tâkati çün şu`le-i şemşîr-zebâne
5 Yahyâ tolaşur turmayup etrâfını şem`ün
Pervâne arar var ise yanmaga bahâne
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147