Ey mâh söyle şimdi nedir minnetin senin

 

Ey mâh söyle şimdi nedir minnetin senin

Olsun gam-ı firâk benim vuslatın senin

 

İnsâf nâm bir mehin evsâfı söylenir

 Hîç yok mu öyle zât ile ünsiyetin senin

 

Ey mey müdâm bizleri mestâne anlama

 Def-i humâr gayri ne hâsiyyetin senin

 

Cûş u hurûş-ı bîhüde ey hum garîbdir

 Bilmez mi kimse bezmde keyfiyyetin senin

 

Hep zülf-i iştiyâk-" perîşânken dahi

 Ben olmadım mı bâis-i cemiyetin senin

 

Her subh u şâm mihr ü meh-âsâ eder zuhûr

 Hân-ı keremde her ne ise kısmetin senin

 

Gâlib cünûn-ı şevk-i mahabbetden aşkdan

 Terk-i sivâdır anladım niyyetin senin

 

 

https://ekitap.kulturturizm.gov.tr/Eklenti/10654,metinpdf.pdf?0