Ey nûr-ı basar dîde-i cânum seni gözler
14.04.2016
Ey nûr-ı basar dîde-i cânum seni gözler
Nûr-ı nigeh-i şu‘le-feşânum seni gözler
2. Cismümde benüm her ser-i mû bir nigeh oldı
Hep göz göz olup bu ten ü cânum seni gözler
3. Âyinelenüp ‘aks-i rûhuñla der-i sîne
Bu revzeneden rûh-ı revânum seni gözler
4. Ol gözleri var mı görecek bir güzel ‘âşık
Dirsin ki dü-çeşm-i nigerânum seni gözler
5. Hîç göz göre geçmek niçe mümkin ola senden
Çeşmüm nigehüm sırr-ı nihânum seni gözler
6. Müjgânlarum merdümegüm halka-i çeşmüm
Heft-dâ’ire-i hûn-şüdegânum seni gözler
7. Râhat mı ider ‘âşık olan gamze-i şûha
Ser-tâ-be-kadem cism-i hazânum seni gözler
8.Ürkütdi dilüm vahşet-i endîşe-i hecri
Düşde dahı bu rûh-ı revânum seni gözler
9. Gel gör göze hîç göz göre nûr itme izâfe
Aldar bu tegâfülle a cânum seni gözler
10.Kânî gibi şeh-râh-ı hayâlüñde olurmış
Dil-i şâh-nişîninde bu cânum seni gözler
Dr. İlyas YAZAR , K Â N Î D Î V Â N I, Ankara 2012
0
1
Yorum Yapmak için Kayıt Olun veya Giriş Yapın