Ey perî-çihre lebüñ mühr-i Süleymândan yeg

 

 

Fe‘ilâtün Fe‘ilâtün Fe‘ilâtün Fe‘ilün(1)

 

1. Ey perî-çihre lebüñ mühr-i Süleymândan yeg

İns ü cin emrüñe me’mûr bugün begsin beg

 

2. Gam-ı zülfüñ şu kadar turreler urdı baña kim

 Beresidür gögeren tende degül yir yir reg

 

3. Bî-hôd olsa yüzüñi göricek agyâr ne tañ

 Sehere karşu uyur ey gözi âhû çün seg

 

4. Lebi şeftâlûların dirmege isterseñ eger

 Çengel-i dûd-ı siyâhuñla saçı dalını eg

 

5. Degme bir nâzına cân virse gerekdür Emrî

 Ey ecel kim didi saña var anuñ cânına deg

 

 

Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427