Ey ruhun gülzâr-ı cennet saçlarun reyhânîdür
V’ey dudağun âb-ı hayvân cân anun hayrânıdur
Sûretün levhinde Hak çekmiş kemâl-i kudretin
Ahsen-i sûret kemâhî kudret-i Rahmânîdür
Gel ki yandurdı meni hasretde ışkun âteşi
Şerbet-i vaslun bu derd-i hastanun dermânıdur
Mü’minün kalbindedür ehl-i yakînün ravzası
Ârif-i esrâr-ı Hak şol ravzanun rızvânıdur
5. Ey ki hüsnündür kemâl-i kudret-i Rahmânumuz
Kudret-i Rahmâna hayrân olmayan şeytânîdür
Dil-berün yolında ger ehilsen olgil cân fedâ
Şükr-i eyyâm-ı visâl u rahmet-i Rabbânîdür
Ey Hakîkî Hak sana oldı zi-fazleş müsteân
Terk-i cân itmek bu yolda ömr-i câvidânîdür
 
CİHÂNŞÂH HAKÎKÎ’
 
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368