Ey sanem şemşîr ile biñ yâra urduñ cânuma

 

Fâ‘ilâtün Fâ‘ilâtün Fâ‘ilâtün Fâ‘ilün(1)

 

1. Ey sanem şemşîr ile biñ yâra urduñ cânuma

 Tîr ile revzenler açduñ sîne-i sûzânuma

2. Gam şebinde ‘akl u fikrüm gitse ey meh tañ degül

 Nâle-i şeb-gîr ile kimse getürmem yanuma

3. Hattuñ üzre kaşuñ imzâsın görüp bildüm yine

 hüccet-i tezvîr ile kasd itdi la‘lüñ kanuma

4. hasret ile ölse ‘âşık kalsa açuk gözleri

 Dirile tuş olsa çeşmi ger leb-i cânânuma

5. Ol sanem dirmiş ki Emrî Ka‘be mi sanur beni

 Yir ile olup berâber yüz sürer dâmânuma

 

Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427