Ey sûz-ı ‘ışk bir yanar âteş misin nesin
29.07.2017
Mef‘ûlü Fâ‘ilâtü Mefâ‘îlü Fâ‘ilün
1. Ey sûz-ı ‘ışk bir yanar âteş misin nesin
Tâkât-güdâz-ı cân belâ-keş misin nesin
2. Dâg-ı nev ü kühenle nedür bu tezeyyünüñ
Ey şerhasında mâr-ı münakkaş mısın nesin
3. Başuñ salup niçün geçivirdüñ dem-i niyâz
Kurbânuñ oldıgum büz-i ahfeş misin nesin
4. Kurtar bu dürd-i nûşî-i gamdan bizi yetiş
Sahbâ-yı sâfi mi mey-i bî-gış mısın nesin
5. Dâmen gibi varur sokılursın miyânına
Kânî o şûh-tünd-reve peş misin nesin
Dr. İlyas YAZAR , K Â N Î D Î V Â N I, Ankara 2012
Yorum Yapmak için Kayıt Olun veya Giriş Yapın