Eyleme bî-hûde tazyi‘ var bu enfâsa hisâb

Fâ‘ilâtün fâ‘ilâtün fâ‘ilâtün fâ‘ilün
 
1 Eyleme bî-hûde tazyi‘ var bu enfâsa hisâb
Korkarım rûz-i cezâda Hak saña ide ‘itâb
2 Hâk ile yek-sân olurdı ‘âlem-i ecsâm eger
Ceyş-i ervâha o sultân irci‘î kılsa hitâb
3 Sad-hezârân şîve vü hikmet verâdan gösterür
Rûyına çekmiş o dil-ber çâr ‘anâsırla nikâb
4 Olur idi hem kalem ü hem kalemdân mahv ü çâk
Kâle gelse firkatiñ keyfiyyeti olsa kitâb
5 Bahr-i rûhuñ vüs‘atini Sıdkiyâ tefhîm içün
Didiler ehl-i ma‘ârif cins-i eşbâha habâ
 
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0