Mefâ‘îlün mefâ‘îlün mefâ‘îlün mefâ‘îlün
 
1 Ezelden oldı Feyyâzıñ serâ’ir ma‘deni sahrâ
Anıñçün bûs ider her dem zemîniñ zeylini deryâ
2 İnâlar mâ gibi yek-reng olaydı zâhir olmazdı
Mezâhib ihtilâfında hezârân mes’ele inşâ
3 Fenâ-fi'llâh makâmını bulan ‘âşıklarıñ hergiz
Dilinde cây-gîr olmaz gam-ı dünyâ ile ‘ukbâ
4 Dilerseñ genc-i ‘irfânî nümâyân ola kalbiñde
Tılısm-ı cismi kâl eyle riyâzetle Halîl-âsâ
5 Budur bu nefy ü isbâtıñ rumûzı Sıdkiyâ fehm it
Kalur illâ eger sen eyleseñ lâ harfini imhâ
 
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0