Müstef`ilün müstef`ilün müstef`ilün müstef`ilün

 

 1 Fasl-ı bahâr irdi güle bülbül mülâkîdür yine

 Meclis o meclis mey o mey sâkî o sâkîdür yine

 2 Her nahl-i tâze bâgda biri birine sarılur

 Zevk u safâ hengâmıdur vakt-i telâkîdür yine

 3 Gül vaslıdur pür-şevk iden şimdi hezârı bâgda

 Lâl idecek bî-çâreyi derd-i firâkıdur yine

 4 Sâkî şarâb-ı telhüni dânâ içer nâ-dân içer

 Zevkin alan bu neşvenün ehl-i mezâkîdür yine

 5 Yahyâ kalupdur hâtırum ol pür-cefâya gerçi kim

 Ammâ ki şevk-i sohbeti hâtırda bâkîdür yine

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147