62922

mefâ‛ilün fe‛ilâtün mefâ‛ilün fe‛ilün

 

1 Firâk-ı yârda dil ma‛zeret kabûl etmez

Yorulma cân acısı tesliyet kabûl etmez

2 Efendi kâse-i hâtır kırılmasın yohsa923

Hezâr-‛özr ile bir de kinet kabûl etmez

3 Nizâm-ı şehre muhaldir münâfesât-ı ricâl

Hased girince işe temşiyet kabûl etmez

4 Ne yüzden etdi baña yâr ihâle gamzesini

Ki ol havâleyi dil bî-cihet kabûl etmez

5 O hüsn-i sûreti kim re’y-i pîrlerden alır

Cüvân elinde olan maslahat kabûl etmez

6 Yemiñde mekteb-i ‛âlemde bunca seyli-i ye’s

Yine bu tıfl-ı emel terbiyet kabûl etmez

7 Eyâlet-i dili etdi levend-i gam vîrân924

O gûne müfsidi bu memleket kabûl etmez

8 Lebîb sâhil-i seb‛îni geçdi keşti-i ‛ömr

Dahi bu dühn-i beden takviyet kabûl etmez

 

Kurtoğlu, Orhan (2004). Lebîb Dîvânı (İnceleme-Tenkitli Metin- Sözlük). Doktora Tezi. Ankara: Hacettepe Üniversitesi. 567