Gabgab-ı rûyuñ gören ey âfitâb-ı dil-fürûz

 

Fâ‘ilâtün Fâ‘ilâtün Fâ‘ilâtün Fâ‘ilün(1)

 

1. Gabgab-ı rûyuñ gören ey âfitâb-ı dil-fürûz

 Didi Yûsuf çâh-ı Ken‘ândan çıka turur henüz

2. Gün yüzüñüñ nısfını tutdı gelüp hatt-ı siyâh

 Oldı zengîler dirîgâ şâh-ı mülk-i Nîm-rûz

3. Göñlümüñ agzuñla belüñ vasfıdur her bir sözi

 Vâkıf-ı esrâr-ı gaybîdür meger söyler rümûz

4. Beñzi saz u dilleri pür-sûzdur ‘uşşâkuñuñ

 Bî-nevâlardur dime anlarda yokdur sâz u söz

5. N'eylesün miskîn göñüller Emriyâ hatt-ı nigâr

 Çekdi bir leşker ki şark u garb arasın tutdı toz

 

 

Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427