Gamuñ ile hemân bir kâlıb-ı fersûdemüz kaldı

 

Mefâ‘îlün Mefâ‘îlün Mefâ‘îlün Mefâ‘îlün

 

1. Gamuñ ile hemân bir kâlıb-ı fersûdemüz kaldı

Cihân-ı mâ-sivâdan dâmen-i âlûdemüz kaldı

2.2a Göñül dirler aña nâm-ı diger yek-katre hûn-ı germ

Bu gül-bünde hemân bir gonçe-i ne-küşûdemüz kaldı

3. Pişürdük işleri nefs-i ne-puhteyle bu matbahda

Hayâl-i hâm dirler fikret-i bî-hûdemüz kaldı

4. Misâl-i güft-gû-yı bî-hude mahv oldı eczâmuz

Biraz ma‘nâlu ma‘nâsuz kühen-ünşûdemüz kaldı

5. Gözüm merdümleri ditrer turur ol sîm-i sâk üzre

Bu ser-hºânda kışır-ı bâdâmlı pâlûdemüz kaldı

6. Bizüz ol cahd-ı mutlak kim bakamaz anda müstagrak

Metâ‘-ı bûrdan bir hisse-i mechûdemüz kaldı

7.7b Harâbî-i kafes mürgân şevki itdi pervâzı

Bozıldı ustukutsın ‘unsur-ı âsûdemüz kaldı

8.8a Sürâg-ı cân u dilden almaduk Kânî haber ammâ

Şifâ-yı sadr olur ümniyye-i mersûdemüz kaldı

 

Dr. İlyas YAZAR , K Â N Î D Î V Â N I, Ankara 2012

       Tokatlı Kani Hayatı Edebi Kişiliği Şiirleri

       Tokatlı Kani Divanı ve Diğer Eserleri