18-

Fâ`ilâtün Fâ`ilâtün Fâ`ilâtün Fâ`ilün

 

1 Gamzeñ ile kâkülüñ zulm-i mehîn eyler baña

 Gözlerüñle kaşlaruñ sihr-i mübîn eyler baña

2 Dostlar lutf eyleñ adum añmañ ol hercâyiye

 Hem sizi düşmen sanur hem hışm u kîn eyler baña

3 Gitdi `aklum gitdi fikrüm gitdi sabrum gitdi dil

 Dostlar bu zulmi hep ol nâzenîn eyler baña

4 Göñlüm aldı cânuma kasd itdi bed-nâm eyledi

 Kim bilür şimden girü cevr idici n’eyler baña

5 Ey Ziyâ’î şevk ile hicr âteşine düşdügüm

 Nûr-ı Mevlâ hakkı hep ol meh-cebîn eyler baña

 

 

Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ