269
Fe‘ilâtün Fe‘ilâtün Fe‘ilâtün Fe‘ilün
1 Gayrı düşnâmı helâk eylese biz cân buluruz
Dil-i gamnâki gam-ı hasm ile şâdân buluruz
2 Oluruz vâsıl-ı gencîne-i kem-yâb-ı merâm
Seyl-i kahr ile dil-i hasmı ki vîrân buluruz
3 Handeye hasret olan gonca-i dil hande ider
Ebr-veş her ne zamân düşmeni giryân buluruz
4 Zahmını tâzelese tîg-ı zebânı gayruŋ
Biz hemân derd-i dili hasteye dermân buluruz
5 Bulmasak gûşe-i mihnetde eger bir gam-hvâr
‘Aksümüz âyinede biz de zebân-dân buluruz
6 Kime pervâne gibi sûz-ı dil itsek izhâr
Şem‘-veş SÂKIB anı derd ile sûzân buluruz
Dr. Mehmet KIRBIYIK, KÂTİB-ZÂDE SÂKIB DÎVÂNI, https://ekitap.kulturturizm.gov.tr/Eklenti/10622,katibzade-sakibpdf.pdf?0