Gazel - Gelür Gider

 

Bezm-i safâya sâgar-ı sahbâ gelür gider
Gûyâ ki cezr ü medd ile deryâ gelür gider

Açıldığın haber verir ağyara gül gibi
Dâim bize nesîm-i sebük-pâ gelür gider

Olmaz yine marîz-i mahabbet şifâ-pezîr
Rûy-i zemine bir dahi îsâ gelür gider

Sultân-ı gam nişîmen idelden derûnumu
Sahrâ-yi kalbe leşker-i sevda gelür gider

Bir gün demez o şûh ki âyâ muradı ne
Çokdan bu kûya Nâbi-i şeydâ gelür gider

 

 

       Nabi Hayatı Hikemi Tarzı ve Edebi Kişiliği

       Nabi ve Hayriye Hakkında ve Hayriye'den Alıntılar

       Nabi Hayrabad Mesnevisi ve Hakkında Bilgiler