Gazel : Yek-cihetdir dil hayâl-i ebrüvâ
Gazel
Yek-cihetdir dil hayâl-i ebrüvân eyler henüz
Ka'be bilmez secde-i mihrâb-ı cân eyler henüz
Bir göründün âleme ammâ hayâl-i ârızın
Aşkını âteş-zen-i sad hânumân eyler henüz
Gül bahâr-ı hüsnünü tanzîrde aczin görüp
Her bahârın çarh pâ-mâl-i hazân eyler henüz
Lutf edip bir kerre geçmişdin bu gülşenden nesîm
Her gül-i nev-hîze bûyun armagân eyler henüz
Sînede bin çeşm-i şerha girye-i hûnîn eder
Gamze ser-tîz-i tîgın imtihân eyler henüz
Olmasam bî-tâb çeşm-i yâri kılsam keşt-veş
Âhuvân sahrâdadır Mecnûn gümân eyler henüz
Kilk-i Nâcî'dir o mîzâb-ı füsûn kim reşhasın
Âb-ı rûy-ı safha-yı sihrü'l-beyân eyler henüz (Muallim Nâcî)
Kaynakça
Arslan, M. (2015). Türk Edebiyatı İsimler Sözlüğü. Türk Edebiyatı İsimler Sözlüğü:http://www.turkedebiyatiisimlersozlugu.com/index.php
Pekolcay, N., Eraydın, S., Tahralı, M., Uzun, M., Subaşı, M. H. (1981). İslâmî TürkEdebiyatı: Giriş. (2. Baskı). İstanbul: Dergâh Yayınları.
