Geçüp şeb-dîz-i âhum tevsen-i çarhı utandurmış

 
85.
 
Mefâ‘îlün mefâ‘îlün mefâ‘îlün mefâ‘îlün
Hezec . - - - / . - - - / . - - - / . - - -
 
01. Geçüp şeb-dîz-i âhum tevsen-i çarhı utandurmış
Şafak sanmaŋ görinen aŋa ol kanlar kaşandurmış
02. Miyânına sarılmış nakd-i vasla dest-res bulmış
Ėşitdüm kim rakîb ol hâce-i hüsni tolandurmış
03. Firâk-ı la‘lüŋ-ile za‘fdan cânum çıka yazmış
 Hele bir pâre gelmiş hancerüŋ anı tayandurmış
04. Surâhî dėdiler kanlar kusarmış gėce meclisde
 Var-ısa dürd-i mey sâkî anuŋ göŋlin bulandurmış
Sular sepmiş VUSÛLÎ cânuma peykânı cânânuŋ
 Dil-i sûzâna tîğ-ı âteşînin tâ ki yandurmış
 
 Hakan TAŞ, VUSÛLÎ [ö. 1592], DÎVÂN [İnceleme-Metin-Çeviri-Açıklamalar-Dizin], T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3308 KÜLTÜR ESERLERİ Ankara 2010