Gel bir eyyâm elem-i cevrden âzâd olalım

Ẕevḳî tebdîl idelim hicr ü ġama şâd olalım

Yetişür çekdigimiz künc-i melâmet ḳahrın

Ṭutalım pîr-i muġân dâmeniñ irşâd olalım

Ṭutalım meygedeniñ âb-ı hevâsı ẕevḳin

Nice bir kûşe-i ġam-ḫânede berbâd olalım

Sürelim pâyına yüz sâḳî-i gül çehrelerin

Leb-i cân baḫşlarıñ bûs idüb âbâd olalım

Telḫ-i kâm itdi bizi renc-i ḫumâr-ı ḥasret

Ẕihniyâ kâm-ı dil-i Şîrîn’e Ferhâd olalım

Dr. Nazire ERBAY,  Bayburtlu Zihni Divanı, https://app.bayburt.edu.tr/bakutam/bayburtlu-zihni.pdf

Bayburtlu Zihni Hayatı Eserleri